Ford ընկերությունը Fusion-ի փոխարինողին կարտադրի Ռումինիայում

Ford ընկերությունը մտադիր է վերջերս Ռումինիայում ձեռքբերված գործարանում թողարկել ավտոմեքենա, որը կոչված է հոսքագծում փոխարինել կոմպակտ մինիվեն Fusion-ին: Ինչպես հաղորդում է, ընկերության ներսում նորույթն անվանում են B-Max:

Ավելի վաղ Ford-ի եվրոպական ստորաբաժանման գործադիր տնօրեն Ջոն Ֆլեմինգն արդեն հայտարարել էր այն մասին, որ Ռումինիայի գործարանում հաջորդ տարի կսկսվեն կոմերցիոն Ford Transit Connect ավտոմեքենաների արտադրությունը: Նրա խոսքերով, այստեղ կկազմակերպվի եւս մեկ մոդելի արտադրությունը, սակայն կոնկրետ ո՞ր մոդելի մասին է խոսքը, նա չնշեց: Հիշեցնենք, որ ռումինական գործարանը ժամանակին պատկանում էր Daewoo-ին, այնուհետեւ փոխանցվեց երկրի կառավարությանը: Ford-ը ձեռք բերեց այդ ձեռնարկությունը 2008 թվականի մարտին 57 մլն եվրոյով:

Ապագա Ford B-Max կարտադրեն Fiesta հեթչբեքի հիմքի վրա: Այս մոդելի արտադրության մեկնարկը նախատեսված է 2010 թվականի առաջին կեսին, իսկ արտադրության հզորությունը տարեկան կկազմի 100 հազար ավտոմեքենա:

Facebook Odnoklassniki

3989 դիտում