Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Daimler ընկերության ղեկավարությունը որոշում է կայացրել հաջորդ տարի Sterling բրենդը վերացնելու եւ այդ բեռնատարերն արտադրող երկու գործարանները փակելու մասին: Ինչպես հաղորդում է Financial Times-ը, դա կապված է Հյուսիսային Ամերիկայի ավտոմոբիլային շուկայում տնտեսական անկման, ինչպես նաեւ Sterling.ավտոմեքենաների ցածր պահանջարկի հետ:
Կոնցերնը կկանգնեցնի ԱՄՆ-ում եւ Կանադայում 17 գործարաններից 2-ը, ինչի պատճառով կկրճատվեն 3,5 հազար աշխատատեղեր: Կորպորացիայի ղեկավարությունը ձեռնարկությունների փակման մասին որոշումը կայացրել է մրցակիցների նմանատիպ քայլերից հետո, որոնց մոտ վաճառքները նվազում են ոչ միայն Ամերիկայում, այլեւ Եվրոպայում: Օրինակ, Volvo Trucks ընկերությունը ստիպված էր աշխատանքից ազատել արտադրությունում զբաղված աշխատողների 20 տոկոսին, իսկ MAN-ը` կրճատել տարեկան արտադրության ծավալը:
Daimler-ի բեռնատարեր արտադրող ստորաբաժանման ղեկավար Անդրեաս Ռենշլերը հայտնել է, որ ընկերությունը չի նախատեսում կրճատել արտադրության ծավալները կամ փակել գործարաններ Եվրոպայում, քանի որ այդտեղ ընկերության դիրքերն ավելի կայուն են, քան հյուսիսամերիկյան շուկայում: Նա նաեւ նշել է, որ ԱՄՆ-ում ձեռնարկությունների փակման եւ աշխատակիցների կրճատման մասին որոշումը թույլ կտա Daimler-ին 2011 թվականից տարեկան տնտեսել 900 միլիոն դոլար:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
