Երեւանում, Հալաբյան 18 հասցեով գտնվող նախկին “Արագած” կինոթատրոնի շենքում, որը հետագայում դարձավ բոուլինգ-կենտրոն, բացվել է բոլոր առաջավոր եւ ժամանակակից պահանջներին համապատասխանող ավտոսրահ:
Ավտոսրահում ներկայացված են “Շեվրոլե” եւ “Շեվրոլե Նիվա” ավտոմեքենաները, ինչպես նաեւ մեր հանրապետությունում տարածված այլ բրենդեր` ԳԱԶ-ը, ՈՒԱԶ-ը, ՈՒԶ-ԴԵՈՒ-ն եւ այլն: Այստեղ ներկայացված են ցանկացած ճաշակի ավտոմեքենաներ` սկսած 2 300 000 դրամից: Այս գնով ավտոսրահում կարելի է ձեռք բերել այսօր ամենատարածված մոդելներից մեկը` Daewoo Matiz-ը:
Ավտոսրահի տնօրինության խոսքերով, այցելուների թիվն օրեցօր աճում է, ինչպես մոդելների լայն ընտրության, այնպես էլ այստեղ աշխատող բարձրակարգ մասնագետների շնորհիվ: Ավտոսրահի բացման կապակցությամբ այստեղ հայտարարվել է հատուկ գին բոլոր ավտոմեքենաների համար, որը կգործի մեկ ամսվա ընթացքում:
Ի դեպ, նոր ավտոսրահում “Վեկար” ընկերությունը, որը Հայաստանում ներկայացնում է “Շեվրոլե” եւ “Շեվրոլե Նիվա” մոդելները, հոկտեմբերի 1-ից մինչեւ դեկտեմբերի 1-ը եզակի ակցիա է անցկացնում: Ձմռան նախաշեմին “Շեվրոլե Նիվա” մակնիշի երկրպագուներին հաճելի անակնկալ է սպասում` զեղչերի հատուկ ծրագիր: Նշված ողջ ժամանակահատվածի ընթացքում այդ բավականին մատչելի ամենագնացը ցանկացած կոմպլեկտացիայում հնարավոր կլինի ձեռք բերել 600 000 դրամ զեղչով: Այս ակցիայի յուրահատկությունը կայանում է նրանում, որ ամեն օր զեղչի չափը կրճատվում է 10 000 դրամով, ինչը կդրդի հավանական գնորդներին չհետաձգել ավտոմեքենայի ձեռքբերումը:
Բացի շահավետ պայմաններով “Շեվրոլե Նիվա” գնելու հնարավորությունից, Հալաբյանի 18 հասցեում գտնվող նոր ավտոսրահում ձեզ շահավետ պայմաններով կառաջարկվի նաեւ Վոլգա ԳԱԶ նոր ավտոմեքենան: “Ավտոմեքենա, որին գիտեն բոլորը, կամ... կարծում են, որ գիտեն” – ահա այս կարգախոսի ներքո “ԳԱԶ” ԲԲԸ միակ եւ պաշտոնական ներկայացուցիչ “Կարկոմավտո” ընկերությունն անցկացնում է նորացված Վոլգա ԳԱԶ 31105-801 ավտոմեքենայի գովազդային կամպանիան: Այսուհետ իր հուսալիությամբ եւ անպահանջկոտությամբ հայտնի ավտոմեքենան կհամալրվի գերմանացի մասնագետների կողմից հատուկ ԳԱԶ-ի համար նախագծված սրահով: Դրա հետ մեկտեղ, “Կարկոմավտոն” հատուկ ծրագիր է մշակել հանրապետության մարզերի բնակիչների համար` առաջարկելով նրանց տարբեր մոդիֆիկացիաներ` սկսած 3 500 000 դրամից: Ակցիան կտեւի մինչեւ նոյեմբերի կեսերը:
Like
OK
