Chrysler-ի նախագահը հերքել է ընկերության վաճառքի մասին լուրերը

Chrysler-ի նախագահ եւ տնօրենների խորհրդի փոխնախագահ Ջիմ Պրեսը պնդում է, որ իր ընկերությունը տվյալ պահին չի վաճառվում: “Հարկ չէ խոսել միավորումների կամ նմանատիպ այլ բաների մասին, քանի որ դրանք բոլորը ասեկոսներ են: Մեր գործերը հիանալի են ընթանում”, - Ջիմ Պրեսի խոսքերն է մեջբերում The Detroit News-ը:

Նրա խոսքերով, ԶԼՄ-ների ներկայացուցիչների մոտ կարող էր խաբուսիկ տպավորություն ստեղծվել ընկերության վաճառքին նախապատրաստվելու վերաբերյալ ղեկավարության նոր ռազմավարության պատճառով, որն ուղղված է Chrysler-ի ծախսերի կրճատմանը:

Ավելի վաղ անանուն աղբյուրների վկայակոչմամբ հաղորդվում էր, որ Renault-Nissan դաշինքը ցանկանում է գնել ավտոկոնցերնի բաժնետոմսերի 20%: Բացի այդ, հոկտեմբերի 11-ին արտասահմանյան ԶԼՄ-ներում ոչ պաշտոնական հաղորդագրություն տարածվեց այն մասին, որ Chrysler-ի ակտիվներով հետաքրքրված է խոշորագույն համաշխարհային ավտոարտադրող General Motors-ը:

Facebook Odnoklassniki

3769 դիտում