GM վաճառքները երրորդ եռամսյակում նվազել են 11 տոկոսով

General Motors կոնցերնը հայտնել է 2008 թվականի երրորդ եռամսյակի արդյունքներով գլոբալ վաճառքների 11,4 տոկոսով նվազման մասին: Ինչպես հաղորդում է GM ներկայացուցիչները, դրա պատճառը Հյուսիսային Ամերիկայում պահանջարկի կտրուկ կրճատման եւ ֆինանսական ճգնաժամի մեջ է, որի հետեւանքները հասել են Եվրոպա եւ այլ համաշխարհային շուկաներ:

Հուլիս-սեպտեմբեր ամիսների GM ընդհանուր առմամբ իրացրել է 2,1 մլն ավտոմեքենա: Ընդ որում, վաճառքները Հյուսիսային Ամերիկայում նվազել են 18,9 տոկոսով: Ինչպես նշում են փորձագետները, սեպտեմբերին GM ավտոմեքենաների պահանջարկը հասել է նվազագույն մակարդակի վերջին 15 տարիների ընթացքում:

Ինը ամիսների արդյունքներով GM գլոբալ վաճառքներն այդքան էլ նկատելիորեն չեն նվազել` ընդամենը 5,8 տոլոսով: Սակայն մինչեւ տարեվերջ տվյալ ցուցանիշի անկումը կշարունակվի: Շատ փորձագետների կարծիքով, ճգնաժամի հետեւանքները նոր են սկսում անդրադառնալ համաշխարհային ավտոշուկայի վրա: Բացի այդ, ավտոարտադրողներից շատերն արդեն հայտարարել են այս տարվա վերջին ամիսներին արտադրության ծավալները էականորեն կրճատելու մասին:

Facebook Odnoklassniki

3712 դիտում