Բրիտանական ամսագիրը մանրամասներ է իմացել Audi TT RS-ի մասին

Ինտերնետում տեղեկատվություն է հայտնվել նոր Audi TT RS-ի մասին: Ինչպես հաղորդում է Autocar-ը, ավտոմեքենան կունենա 5-մխոցանի TFSI շարժիչ` կրկնակի մակափչումով (տուրբինային եւ կոմպրեսորային)` 335 ձիաուժ հզորությամբ:

Շարժիչի պտտեցնող պահը փոխանցվում է 6-աստիճան մեխանիկական փոխանցման տուփի միջոցով բոլոր չորս անիվների վրա: Մինչեւ 100կմ/ժ արագություն ավտոմեքենան զարգացնում է 4,5 վայրկյանում, իսկ վառելիքի միջին ծախսը 100 կմ համար կազմում է 8 լիտրից փոքր-ինչ ավելին: Հնարավոր է, TT RS կունենա կախոցի իր սեփական տարբերակը` մագնիսարեոլոգիական ամորտիզատորներով եւ, որպես տարբերակ, կերամիկական արգելակներով:

Նախատեսվում է, որ ավտոմեքենաների հավաքումը կսկսվի 2009 թվականի ամռանը, իսկ առաջին ավտոմեքենաները ավտոսրահներում կհայտնվեն 2009 վերջին: Porsche Cayman-ի մրցակցի գինը դեռեւս հայտնի չէ, սակայն սպասվում է, որ կուպեն կարժենա մոտ 72 հազար դոլար, իսկ կաբրիոլետը` 3 հազար դոլարով ավելի:

Facebook Odnoklassniki

3706 դիտում