Ներքին Սաքսոնիան կշարունակի պայքարը VW-ի համար

Ներքին Սաքսոնիայի իշխանությունները պատրաստվում են շարունակել պայքարը Porsche ընկերության հետ Volkswagen-ի նկատմամբ վերահսկողությունը պահպանելու համար: Այս մասին, ինչպես հաղորդում է Automotive News Europe-ը, հայտարարել է Ներքին Սաքսոնիայի վարչապետ Քրիստիան Վուլֆը: Նրա խոսքերով, իշխանությունները պատրաստ են գնել VW բաժնետոմսերի 25%, որպեսզի թույլ չտան վերահսկիչ փաթեթի (75 տոկոս) անցումը Porsche-ին:

Տվյալ պահին Porsche-ն արդեն տիրապետում է Volkswagen-ի բաժնետոմսերի 74,1%-ին եւ այն բանից հետո, երբ այդ փաթեթն աճի մինչեւ 75 տոկոս, գերմանական ավտոարտադրողը մտադիր է պաշտոնապես ձեւակերպել իր վերահսկողությունը VW-ի նկատմամբ:

Հարկ է հիշեցնել, որ մինչ այդ Ներքին Սաքսոնիայի իշխանությունները տիրապետում էին VW ճակատագիրը միանձնյա որոշելու իրավունքին` ունենալով կոնցերնի բաժնետոմսերի ընդամենը 20 տոկոսը այսպես կոչված “Ֆոլսկվագենի օրենքի” շնորհիվ, որը կլանումից պաշտպանում էր Գերմանիայի խոշորագույն ավտոարտադրողին: Սակայն սեպտեմբերին Եվրոպական Դատարանը վերացրեց այդ օրենքը եւ Porsche ընկերությունը, որն այդ պահին արդեն հավաքել էր բաժնետոմսերի խոշոր փաթեթ, ցանկություն հայտնեց կլանել VW:

Մինչդեռ, ինչպես նշում են մասնագետները, իրենց սպառնալիքներն ի կտար ածելու համար Ներքին Սաքսոնիայի իշխանությունները ստիպված կլինեն ձեռքբերել VW-ի բորսայում գտնվող գործնականում բոլոր “ազատ” բաժնետոմսերը, որոնց արժեքն այժմ հասնում է 500 եվրոյի մեկ բաժնետոմսի համար:

Facebook Odnoklassniki

3826 դիտում