BMW-ի մաքուր շահույթը III եռամսյակում նվազել է 2,7 անգամ

Գերմանական Bayerische Motoren Werke AG (BMW) ավտոմոբիլային կոնցերնի մաքուր շահույթը 2008 թվականի առաջին 9 ամիսների ընթացքում նվազել է 40%-ով եւ կազմել է 1,3 մլրդ եվրո նախորդ տարվա նույն ժամանակահատվածի ընթացքում ստացված 2,14 մլրդ եվրոյի դիմաց, ասվում է ընկերության նախօրեին հրապարակված ֆինանսական զեկույցում:

Ընկերության հասույթը ընթացիկ տարվա ինը ամիսների ընթացքում գործնականում չի փոխվել եւ կազմել է 40,43 մլրդ եվրո` նախորդ տարվա 40,41 մլրդ դիմաց: Շահույթը մինչեւ հարկադրումը հաշվետու ժամանակահատվածում կրճատվել է 1,8 անգամ` մինչեւ 1,52 մլրդ եվրո` 2007 թվականի նույն ժամանակահատվածի 2,68 մլրդ եվրո:

BMW-ի մաքուր շահույթը 2008 թվականի III եռամսյակում կրճատվել է 2,7 անգամ եւ կազմել է 298 մլն եվրո` նախորդ տարվա 803 մլն եվրոյի դիմաց: Ընկերության հասույթը կրճատվել է 9% անգամ եւ կազմել է 12,6 մլրդ եվրո` նախորդ տարվա 13,8 մլրդ եվրոյի դիմաց:

Facebook Odnoklassniki

3230 դիտում