Mercedes-Benz-ը ներկայացրել է ML 63 AMG-ի երկու հատուկ տարբերակներ

Այն պահից, երբ գերմանական Mercedes-Benz ընկերությունը ներկայացրեց ML 55 AMG-ի առաջին սերունդն անցել է 10 տարի: Մոդելի հոբելյանի առիթով ավտոարտադրողը թողարկել է երկու հատուկ տարբերակներ` ML 63 AMG 10th Anniversary եւ ML 63 AMG Performance Studio: Երկու ավտոմեքենաները համալրված են 6,3-լիտրանոց V8 շարժիչով` 510 ձիաուժ հզորությամբ: Արագությունը մինչեւ 100 կմ/ժ մեքենան զարգացնում է 5 վայրկյանում, իսկ առավելագույն արագությունը հավասար է 250 կմ/ժ:

Հատուկ տարբերակները միմյանցից առաջին հերթին տարբերվում են թափքի գույնով. 10th Anniversary տարբերակը ներկված է “մետալիկ”, իսկ Performance Studio-ն` սեւ գույնով: Երկու ամենագնացներն ունեն 21 դյույմ անիվային դիսկեր եւ քսենոնային լուսարձակներ: Ավտոմեքենաների սրահների մշակման ժամանակ օգտագործվել են կաշի եւ փայտ:

Facebook Odnoklassniki

2842 դիտում