Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Նոյեմբերի 8-ին, Հայաստանում "Ford Motor Company"-ի պաշտոնական ներկայացուցիչ “Ֆորա” ընկերությունը Երեւանի “Գոլդեն Փելըս” հյուրանոցում հատուկ գործարար հանդիպում էր կազմակերպել Ford Transit բեռնատար ավտոմեքենան ներկայացնելու եւ բիզնես-հաճախորդների համար մշակված նոր առաջարկները հրապարակելու նպատակով:
Նմանատիպ գործարար հանդիպումների կազմակերպումը բավականին ընդունված աշխատաոճ է արտասահմանյան ավտոարտադրողների համար, սակայն Հայաստանի դեռեւս ձեւավորվող ավտոշուկայում այն թերևս հազվադեպ երեւույթ է: Պետք է արժանին մատուցել “Ֆորա” ընկերության աշխատակիցներին, որոնք հանգամանալից ներկայացրեցին առաջարկները “Ford Transit”-ի հավանական գնորդներին:
Միջոցառմանը հրավիրված էին այնպիսի կազմակերպություններ, որոնց կհետաքրքրեր իրենց ավտոպարկում ունենալ հուսալի, տնտեսող եւ հարմարավետ կոմերցիոն ավտոմոբիլային տեխնիկա:
Իսկ առաջարկվող ավտոմեքենաները հետեւյալն էին. անցյալ տարվա միջազգային հեղինակավոր մրցույթներին «Տարվա լավագույն բեռնատար» ճանաչված “Ford Transit” ավտոմեքենայի մարդատար եւ բեռնատար տարբերակները, ավելի կոնկրետ` բեռնատար Ford Transit (SWB) կարճ ֆուրգոնը, Ford Transit (MWB) միջին անիվային բազայով ֆուրգոնը, Ford Transit (LWB) երկար անիվային բազայով եւ Ford Transit (LWB EL) «Jumbo» ֆուրգոնը: Այս ֆուրգոնների մասին խոսելիս “Ֆորա” ընկերության վաճառքի մենեջեր Դավիթ Հարությունյանը հատուկ նշեց շարժիչների բազմաթիվ տարբերակները, ընթացքի մեծ հնարավորությունները եւ հուսալիությունը:
“Ford”-ի բեռնատար ավտոմեքենաների շարքում ոչ պակաս հետաքրքրություն է առաջացնում Ford Transit Connect շարքը: “Ֆորա” ընկերության վաճառքի բաժնի ղեկավար Լիլիթ Ներսիսյանի խոսքերով, այս ավտոմեքենայում համատեղված են բարձր հուսալիությունը եւ հարմարավետությունը: Connect-ը “Ֆորա” ընկերությունում առաջարկվում է Ford Transit Connect (SWB) եւ Ford Transit Connect (LWB) տարբերակներով:
Բացի բազմաթիվ գործարարներից եւ տարբեր ընկերությունների ներկայացուցիչներից հանդիպմանը ներկա էր նաեւ “ԱԳԲԱ Լիզինգ" վարկային կազմակերպության փոխտնօրեն Արսեն Բազիկյանը: Նա նշեց, որ “Ֆորա” ընկերության հետ միասին մշակել են հատուկ պայմաններ` Ford Transit մեքենաների գնորդների համար: Իրավաբանական անձանց համար մինչեւ 13.000.000 դրամի լիզինգով գնման տարբերակ` 10-20% կանխավճարով եւ մինչեւ 36 ամիս մարման ժամկետով:
Բացի այս համատեղ առաջարկից, “Ֆորա” ընկերությունը հաճախորդներին պատրաստել էր եւս մի շարք հետաքրքիր առաջարկներ. եվրոյի փոխարժեքի անկման կապակցությամբ, Ford Transit-ի գներն իջեցվել են 5-10%-ով` կախված մոդելից: Գործում է նաեւ հատուկ զեղչային համակարգ. երկու եւ ավելի Ford Transit գնելու դեպքում կտրամադրվի 3% զեղչ, իսկ վեց եւ ավելի ավտոմեքենա գնելու դեպքում` 5%: Կորպորատիվ հաճախորդներին “Ֆորա” ընկերությունն առաջարկում է 400.000 դրամի լրացուցիչ փաթեթ, որն իր մեջ ներառում է մեքենաների ջերմաերեսապատում, ձմեռային անվադողեր, սառնարանի տեղադրում` կախված ավտոմեքենաների քանակից, դիզելային վառելիք եւ գումարած սրան նաեւ մեքենաների կորպորատիվ ձեւավորում.
“Ֆորա” ընկերությունը ներկայացնում է Հայաստանում մի քանի աշխարհահռչակ ավտոարտադրողների, որոնց թվում են Ford-ը, Land Rover-ը, Volvo-ն: Ընկերությունը լրացուցիչ զեղչեր է տրամադրում իր բոլոր հաճախորդներին` Ford Transit գնելու դեպքում:
Դե ինչ, նման գործնական հանդիպումերի կազմակերպումը դիլերների եւ շահագրգիռ կազմակերպությունների միջեւ ավելի քաղաքակիրթ է դարձնում ավտոբիզնեսի զարգացումը Հայսատանում:
Կարեն Անտոնյան
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
