Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ճապոնական Toyota ընկերությունը պատրաստվում է ստեղծել աշխարհի ամենաէժան ավտոմեքենայի իր տարբերակը: Ճիշտ է, եթե հնդկական Tata ընկերությունում ասում են, որ իրենց Nano-ն արժենալու է մոտ 2500 դոլար, ապա ճապոնացիներն ավելի լուրջ թիվ են նշում` 5000 դոլար: Սակայն, իհարկե, Toyota մակնիշի ավտոմեքենայի համար, եթե այն համապատասխանի անվտանգության գոնե տարրական պահանջներին, սա շատ հետաքրքիր գին է:
Թե ի՞նչ իրենից կներկայացնի 5000 դոլարանոց Toyota-ն, ոչ մեկին հայտնի չէ: Պարզ է միայն, որ այդ մոդելը հավաքելու են Հնդկաստանում, որտեղ աշխատուժը հիմա շատ էժան է:
Ամենայն հավանականությամբ, ավտոմեքենայի բազային տարբերակում չեն լինի որեւէ ավելորդություններ, կարող է նույնիսկ բացակայել օդափոխության համակարգը, ինչպես դա արված է Tata Nano-ին ամենապարզ կոմպլեկտացիայում: Սակայն անվտանգության բարձիկներից Toyota-ն ամենայն հավանականությամբ չի հրաժարվի. բացահայտ վտանգավոր ավտոմեքենայի արտադրությունը կարող է վնաս հասցնել ընկերության իմիջին: Ի դեպ, իմիջի մասին: Ենթադրություն կա, որ Toyota-ն 5000 դոլար արժողությամբ ավտոմեքենան թողարկելու է այլ ապրանքանիշի տակ:
Սակայն, պետք չի սպասել, որ Toyota-ի ամենաէժան ավտոմեքենան շատ շուտ կհայտնվի: Հոռետեսները պնդում են, որ այն կթողարկվի 2015 թվականից ոչ շուտ, սակայն լավատեսները համոզված են` մեքենային պետք է սպասել 2011 թվականին:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
