Bentley ընկերությունը ներկայացրել է 500-ուժանոց կաբրիոլետ

Bentley ընկերությունն ազդարարել է Azure կաբրիոլետի ամենահզոր մոդիֆիկացիան` Azure T մինչեւ 500 ձիաուժ հզորացված (1000 Նմ) V8 շարժիչով 6,75 լիտր ծավալով: Այդ շարժիչը հզորացված է երկու տուրբիններով եւ կարող է հետեւի քարշակային ավտոմեքենայի արագությունը մինչեւ 96 կմ/ժ զարգացնել  5,2 վայրկյանում: Նորույթի առավելագույն արագությունը կազմում է ժամում 288 կիլոմետր: 

500-ուժանոց շարժիչի հետ միասին աշխատում է 6-աստիճան ավտոմատ տրանսմիսիա, որն ունի աշխատանքի երեք ռեժիմ` սովորական, սպորտային եւ “ձեռքի”: Azure T-ն ունի նաեւ էլեկտրոհիդրավլիկ կախոցի “սպորտային” տարբերակ, որը կարող է նաեւ ավտոմատ կերպով հարմարվել երթեւեկության տարբեր ռեժիմների եւ պահպանել առաջադրված ճանապարհային լուսածերպը` անկախ բեռնավորման ավելացումից:

Azure T-ի գնորդներին առաջարկվում են թափքի ներկման 42 տարբերակներ, սրահի ձեւավորման 25 բազային տարբերակներ, ինչպես նաեւ եզակի ինտերյերի պատվիրում: Նորույթի գինը չի դեռեւս չի հայտարարվում:

Facebook Odnoklassniki

3238 դիտում