Ford-ը կվաճառի Mazda-ի բաժնետոմսերի 20 տոկոսը

Ford կոնցերնը պատրաստվում է վաճառել ճապոնական Mazda ընկերության բաժնետոմսերի 20-տոկոսանոց փաթեթը: Ինչպես հաղորդում է AFP, ստացված գումարը Ford-ը մտադիր է ուղղել սեփական կանխիկ միջոցների համալրմանը, իսկ բաժնետոմսերի հավանական գնորդներից է բաղադրիչների մատակարար Denso-ն: Բացի այդ, իր բաժնետոմսերի մի մասը կարող է ետ գնել ինքը “Մազդան”:

Mazda-ի բաժնետոմսերի 20-տոկոսանոց փաթեթի մոտավոր գինը (երեքշաբթի օրվա բորսայական տվյալների հիման վրա) կազմում է մոտ 50 մլրդ յեն կամ 515 մլն ԱՄՆ դոլար:

Ընդամենը Ford կոնցերնին են պատկանում ճապոնական ընկերության բաժնետոմսերի 33,4 տոկոսը: Առաջին փսթեթը գնվել էր 1979 թվականին, իսկ այնուհետեւ., 1996 թվականին, Ford-ը դարձավ Mazda-ի բոլոր բաժնետոմսերի մեկ երրորդ մասի սեփականատերը: Սակայն այս պահին ամերիկյան ավտոգիգանտը լուրջ ֆինանսական դժվարություններ է ապրում եւ ստիպված է վաճառել իր ակտիվների մի մասը` շրջանառու միջոցների համալրման համար. միայն 2008 թվականի երրորդ եռամսյակի ընթացքում նրա կորուստները կազմել են 129 մլն դոլար:

Facebook Odnoklassniki

3289 դիտում