Լոս Անջելեսում մեկնարկեց բաց Lamborghini Gallardo LP560-4

Լոս Անջելեսում մեկնարկող մոտորշոուին կայացավ Lamborghini Gallardo LP560-4 – Spyder սուպերավտոմեքենայի բաց տարբերակի համաշխարհային պրեմիերան: Նորույթի հիմնական տարբերությունը կուպեից փափուկ ծալվող առաստաղն է, որը հավաքվում է վարորդական եւ ուղեւորական նստատեղերի ետեւում մոտավորապես 20 վայրկյանում:

Նորույթն ունի նույնպիսի շարժիչ, ինչ կուպեն. 5,2-լիտրանոց V10` 510 ձիաուժ հզորությամբ: Շարժիչն աշխատում է 6-աստիճան սեկվենտալ ավտոմատ տուփի հետ միասին: Զրոյից մինչեւ 100 կիլոմետր արագություն մեքենան զարգացնում է 4 վայրկյանում, ինչը 3 տասնորդական վայրկյանով դանդաղ է կոշտ առաստաղով կուպեի տարբերակից: Առավելագույն արագությունը` 324 կմ/ժ:

Բաց ավտոմեքենան ստացել է նաեւ ամրացված թափք, ավելի կոշտ կախոց եւ արդիականացված արգելակային համակարգեր:

Նորույթի վաճառքները կսկսվեն հաջորդ տարվա սկզբին: Ավտոմեքենայի արժեքը հայտնի չէ:

Facebook Odnoklassniki

2978 դիտում