Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Այսօր Երեւանում, “Անի Պլազա” հյուրանոցում տեղի ունեցավ մամլո ասուլիս` նվիրված KIA Motors Armenia ընկերության գործունեության արդյունքներին եւ ապագա պլաններին:
Ասուլիսին մասնակցում էին Հայաստան ժամանած KIA ընկերության բարձրաստիճան ներկայացուցիչները` KIA Motors Corporation-ի ԱՊՀ երկրների եւ Արեւելյան Եվրոպայի մասնաճյուղի նախագահ պարոն Հ.Թ. Լին (H.T.Lee) եւ նշված տարածաշրջանի կոմերցիոն տնօրեն պարոն Հ.Ջ. Կիմը (H.J. Kim): Հյուրերին ներկայացրեց եւ ասուլիսը վարեց KIA Motors Armenia ընկերության փոխտնօրեն Արարատ Մարդոյանը:
Մինչ լրագրողների հարցերին պատասխանելը, KIA ընկերության ներկայացուցիչները հակիրճ ներկայացրեցին Հայաստանում KIA մակնիշի գործունեության պատմությունը, հատուկ ուշադրություն դարձրեցին համաշխարհային ֆինանսական ճգնաժամին, քննարկեցին դրա ազդեցությունը Հայաստանում Կիա մակնիշի ավտոմեքենաների վաճառքների վրա:
Ինչպես նշեց Արարատ Մարդոյանը, ընկերությունը փորձում է նվազագույնի հասցնել ճգնաժամի ազդեցությունը Հայաստանում KIA-ի գործունեության վրա: “Մենք պայմանավորվածություն ունենք որոշ հայկական բանկերի հետ, որոնց հետ բավականին տպավորիչ անակնկալներ ենք պատրաստում մեր գնորդների համար, ընդհուպ մինչեւ բանկային տոկոսադրույքների իջեցում: Այդ անակնկալների մասին հանրությանը տեղյակ կպահենք դեկտեմբերի սկզբներին” – ասաց KIA Motors Armenia-ի փոխտնօրենը:
Լրագրողների հարցին, թե հնարավո՞ր են արդյոք Հայաստանում նույնպիսի աննախադեպ երաշխիքային պայմաններ, ինչպիսիք ԿԻԱ ընկերությունը առաջարկում է Եվրոպայում (7 տարի կամ 350.000 կմ), հարավկորեացի հյուրերը պարզաբանեցին, որ ներկայումս բանակցություններ են ընթանում երաշխիքային պայմանների վերանայման վերաբերյալ: Այժմ Հայաստանում դեռեւս տրվում է 2 տարի կամ 50.000 կմ վազքի երաշխիք:
Հյուրերը խոսեցին նաեւ KIA ընկերության ապագա ծրագրերի, նոր մոդելների արտադրության մասին: 2009 թվականին սպասվում են մեծ թվով նորացված մոդելների պրեմիերաներ, որոնք կներկայացվեն նաեւ Հայաստանում: Առանձնահատուկ նշվեց KIA Soul-ի մոդելը, որի հետ ընկերությունը մեծ հույսեր է կապում եւ ակնկալում են, որ այն իր գնորդին կգտնի նաեւ մեզ մոտ:
Իրոք, KIA-ին հաջողվել է պատրաստել շատ վառ, հետաքրքիր եւ կորեական այս մակնիշի համար անսպասելի համարձակ դիզայնով ավտոմեքենա: Առաջին անգամ KIA-ն ներկայացրեց այս մոդելը Փարիզում 2006 թվականին` կոնցեպտի տեսքով: Այժմ այն պատրաստ է արդեն ներկայանալու գնորդներին: Հավանական է, որ մենք Հայաստանում այն կտեսնենք 2009 թվականի գարնանը:
Մանրամասն մոդելի մասին կարելի է տեղեկանալ հատուկ այս մոդելին նվիրված կայքում` http://www.soul-freeyourmind.com/
Հայաստանում կներկայացվի 1,6 շարժիչներով բենզինային եւ դիզելային տարբերակները, հետագայում կավելանա նաեւ 2,0 լիտրանոց 142 ձիաուժով տարբերակը:
Ուշագրավ է եւ ուրախալի, որ աշխարհի հանրահայտ ավտոբրենդերի ներկայացուցիչնրը գալիս են Հայաստան եւ նույնիսկ հանդիպում լրագրողներ հետ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
