Դիզելային Porsche Cayenne-ը կհայտնվի Եվրոպայում փետրվարի վերջին

Porsche ընկերությունը նշանակել է դիզելային շարժիչով Cayenne ամենագնացի վաճառքի մեկնարկի ժամկետը. նորույթը Եվրոպայում կսկսեն վաճառել արդեն 2009 թվականի փետրվարին, գինը` սկսած 47250 եվրոյից: Գերմանիայում այդ մոդելի գինը` ներառյալ բոլոր հարկերը, կկազմի 56436 եվրո:

Ինչպես եւ նախատեսվում էր, Cayenne Diesel-ը ստացել է “ֆոլկսվագենյան” V6` 240 ձիաուժ հզորությամբ. ճիշտ այդպիսի շարժիչ է տեղադրվում նաեւ VW Touareg-ի վրա: Սակայն Porsche ամենագնացի համար շարժիչը փոքր-ինչ արդիականացրել են եւ այժմ այն զարգացնում է 550 Նմ պտտեցնող պահ` Touareg-ի 500-ի փոխարեն:

Cayenne Diesel-ը կոմպլեկտավորվելու է Tiptronic-S ավտոմատ փոխանցման տուփով, իսկ վառելիքի միջին ծախսը խառը ցիկլում կկազմի 9,3 լիտր 100 կմ վազքի համար: СО2 արտանետումները` 244 գրամ մեկ կիլոմետրի համար:

Նման մոդիֆիկացիայի հայտնվելու պատճառները Porsche ընկերության ներկայացուցիչները բացատրում են հարկային արտոնություններով, որոնք գործում են շատ եվրոպական երկրներում դիզելային վառելիքով ավտոմեքենաների սեփականատերերի համար: Ընդ որում, "դիզելը", առաջին հերթին, նախատեսված է Եվրոպայի համար: ԱՄՆ-ում այսպիսի ավտոմեքենա դեռեւս չի վաճառվելու. Դրա փոխարեն, ամերիկացիներին առայժմ կառաջարկեն Cayenne-ի հիբրիդային տարբերակը: Սակայն սերիական արտադրությունում այն կհայտնվի 2009-2010 թվականից ոչ շուտ:

Facebook Odnoklassniki

3520 դիտում