Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Nissan ընկերությունը հրաժարվել է մասնակցել Դեթրոյտի եւ Չիկագոյի ավտոսրահներին: Երկու միջոցառումները պետք է անցկացվեն 2009 թվականի հունվար-փետրվար ամիսներին: Այս մասին հաղորդում է Automotive News-ը` վկայակոչելով ճապոնական կոնցերնի պաշտոնական ներկայացուցիչ Ալան Բադդենբեկին: Նրա խոսքերով, որոշումը կապված է ավտոմոբիլային շուկայում տիրող իրավիճակով եւ չի արտացոլում ընկերության վերաբերմունքը այդ ցուցահանդեսներին: Ընկերության ներկայացուցիչը նշել է, որ 2009 թվականի համար հիմնական նորույթները Nissan-ն արդեն ներկայացրել է նոյեմբերին Լոս Անջելեսում անցկացված ավտոսրահում, որտեղ ներկայացվել էին նոր սպորտային 370Z եւ նորացված քաղաքային Cube ավտոմեքենան:
Բացի այդ, Դեթրոյթ, ամենայն հավանականությամբ, չի գնա նաեւ Infiniti մակնիշը` Nissan ընկերության պրեմիում բրենդը:
Հիշեցնենք, որ մեկ օր առաջ Դեթրոյթի ավտոսրահին մասնակցելուց հրաժարվեց նաեւ Mitsubishi Motors կոնցերնը: Ընկերության ներկայացուցիչները, ինչպես եւ Nissan-ի ղեկավարությունը, հայտարարել են, որ որոշումը կապված է ծանր տնտեսական իրավիճակի հետ. հոկտեմբերին Mitsubishi ավտոմեքենաների վաճառքներն ԱՄՆ-ում նվազել են 24 տոկոսով: Ավելի վաղ միջոցառմանը մասնակցելուց հրաժարվել էին նաեւ Suzuki, Land Rover, Rolls-Royce եւ Ferrari բրենդերը: “Հրաժարվածների” այս ցուցակում Nissan-ը ամենախոշոր ավտոարտադրողն է:
Ալան Բադենդեկը հրաժարվել է նշել այն գումարը, որն ընկերությունը կտնտեսի` չմասնակցելով ցուցահանդեսին: "Դա մարքեթինգի համար հատկացվող բյուջեի ոչ փոքր մասն է", - հայտարարել է նա:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
