Mazda-ն հրապարակել է նոր 5-դռնանի Mazda3 հեթչբեքի լուսանկարները

Ճապոնական Mazda ավտոարտադրող ընկերությունը մի քանի օր առաջ Լոս Անջելեսի միջազգային ավտոսրահում ներկայացրել է նորացված Mazda3 սեդանը: Այսօր ավտոարտադրողը հրապարակել է երկրորդ սերնդի 5-դռնանի Mazda3 հեթչբեքի պաշտոնական լուսանկարները: Ավտոմեքենան կներկայացվի Բոլոնյայի մոտոր-շոուին` 2008 թվականի դեկտեմբերի 3-ին: Ինչպես եւ սեդանը, այս ավտոմեքենան ունենալու է բենզինային եւ դիզելային շարժիչներ: Մեքենան կստանա տնտեսող 2,2 լիտրանոց տուրբոդիզելային շարժիչ` CO2 արտանետումների ցածր մակարդակով, ինչպիսին ներկայացված է միայն Mazda6-ի մոտ:

Բացի այդ, ավտոմեքենան կոմկպլեկտավորվելու է “Եվրո-5” չափանիշին համապատասխանող 1,6 եւ 2 լիտրանոց բենզինային շարժիչներով: 5-դռնանի հեթչբեքի դիզայնը մշակված է Mazda6-ի ոճով: Մեքենայի սրահը կաշեպատ է: Մեքենան ստացել է նաեւ նորացված կենտրոնական կոնսոլ եւ գործիքների նոր վահանակ:

Facebook Odnoklassniki

3916 դիտում