Ford-ը պաշտոնապես հաստատել է Volvo-ն վաճառելու մտադրությունը

ԱՄՆ մեծությամբ երկրորդ ավտոարտադրող Ford Motor Co. քննարկում է իրեն պատկանող Volvo Cars շվեդական ավտոարտադրողի վաճառքի հնարավորությունը` կապված ավտոմոբիլային շուկայի համաշխարհային անկման հետ: Այս մասին ասվում է նախօրեին Ford-ի կողմից հրապարակված հայտարարությունում: Ենթադրվում է, որ Volvo-ի վաճառքի հնարավոր տարբերակների ուսումնասիրությունը, որն իրականացվում է Ford-ի գործունեության վերակառուցման եւ օպտիմիզացման ծրագրի շրջանակներում, կտեւի մի քանի ամիս: Այս ժամանակահատվածի ընթացքում Ford-ի ղեկավարությունը Volvo-ի վարչակազմի հետ համատեղ աշխատելու շվեդական ավտոարտադրողի վերակառուցման ուղղությամբ:

Հիշեցնենք, որ այս տարվա հոկտեմբերին Volvo Cars-ը հայտարարեց ավելի քան 3 հազար աշխատակից կրճատելու ծրագրերի մասին: Տվյալ որոշումը պայմանավորված էր շուկայական իրավիճակով եւ ավտոմեքենաների նկատմամբ պահանջարկի անկմամբ:

Facebook Odnoklassniki

3132 դիտում