Բոլոնյայում ներկայացվեծ նորացված VW Golf Plus

Բոլոնյայում անցկացվող ցուցահանդեսում Volkswagen ընկերությունը պաշտոնապես ներկայացրեց նորացված Golf Plus կոմպակտվենը:

Արտաքինից ավտոմեքենան, որի դիզայնն իրականացված է Golf VI հեթչբեքի մոտիվներով, աննշան է փոխվել: Թափքի առջեւի մասում մեքենան ստացել է այլ դիմային բամպեր, գլխավոր լույսի փոքր-ինչ այլ լուսարձակներ` ցերեկային լույսերի լամպերով: Հետեւից փոխվել է բամպերը եւ արտանետային համակարգի խողովակների ձեւը:

Ինչպես հաղորդում է Car-ը, շարժիչների լրիվ շարքի մասին առայժմ տեղեկություններ չկան, սակայն արդեն հայտնի է, որ ավտոմեքենայի համար առաջարկվելու է 120-ուժանոց բենզինային տուրբոշարժիչ` 1,4 լիտր ծավալով եւ երկլիտրանոց դիզելներ` 90-140 ձիաուժ հզորությամբ: Կախված մոդիֆիկացիայից, մեքենան կունենա 5 կամ 6-աստիճան մեխանիկական տուփ կամ 6 կամ 7 աստիճան ռոբոտացված DSG փոխանցման տուփ:

Նորացված կոմպակտվենը Եվրոպայում կհայտնվի հաջորդ տարի: Ավտոմեքենաների գները, ինչպես սպասվում է, կհայտարարվեն միայն գարնանը:

Facebook Odnoklassniki

2903 դիտում