Նորացված Nissan Pathfidner-ը ներկայացվեց հայաստանյան ավտոսիրողին

remove_red_eye15643

Nissan Pathfinder-ի նոր փոփոխված տարբերակը, արդեն հասանելի է դարձել հայաստանյան ավտոսիրողին: Այն հայաստանյան շուկայում ներկայացվում է 2 կոմպլեկտացիաներով՝ բազային(S) և միջին(SV): Ավտոմեքենայի նոր մոդիֆիկացիան ներկայացված է V6 բենզինային շարժիչով, 270 ձ/ու հզորությամբ և 3.5 լիտր աշխատանքային ծավալով:

Այս լիաքարշ արտաճանապարհայինը ստացել է նոր շունչ՝ շնորհիվ նորաոճ դիզայնի, ամբողջությամբ արդիականացված շարժիչի և առաջարկվող լրացուցիչ հնարավորությունների:

Nissan Pathfinder 2017-ի արտաքին դիզայնը իրականացված է համաձայն մեքենաշինության  նորագույն դիզայներական ուղղությունների: Վերափոխված բամպերները, արտահայտիչ կոպոտը, նորաոճ լուսարձակները և իհարկե նոր գունային երանգները դարձնում են մեքենան ավելի շքեղ, սլացիկ և պատրաստ նոր մարտահրավերի:

Ինչ վերաբերում է նոր Pathfinder-ի ինտերիեր դիզայնին, Nissan-ը Ձեզ է առաջարկում ոճային և անմոռանալի ուղևորություն: Կաշեպատ նստարանները, փայտյա երեսպատումները, քրոմապատ դետալներն ընդամենը առաջարկվող հարմարություններից մի քանիսն են: Այժմ ժամանակակից ամենագնացների մեջ իդեալական Nissan Pathfinder-ն իր բազային տարբերակում առաջարկում  է ութ դյույմանոց սենսորային էկրան՝ լրացուցիչ բարձրախոսով, USB միացումով և կատարելագործված մոնիտորով:

Նոր Nissan Pathfinder-ը հագեցված է վերահսկողության ամենաարդի համակարգերով: Նրա խելացի տեխնոլոգիաները նախատեսված են զանազան իրավիճակները վերահսկելու համար: Չորս տեսախցիկները տալիս են Ձեր մեքենայի իրական 360-աստիճան պատկերը և հնարավորություն՝ էկրանն ընտրողաբար բաժանելու առջևի, հետևի և կողային տեսադաշտի պատկերների խոշոր պլանների, ունենալու  ավելի լավ պատկերացում ավտոմեքենայի շրջակա տարածքում իրականացվող գործողությունների մասին:

Այսպիսով Nissan Pathfinder-ը առանձնանում է բացառիկ ամրությամբ և դիմացկունությամբ: Այն հատկապես կհետաքրքրի նրանց, ովքեր գերադասում են ընտանեկան հանգիստը,  ճանապարհորդություններն ու ընկերական արկածախնդրությունները :

Ինչպես Nissan-ի այլ մոդելներին նոր Pathfinder-ի համար նույնպես տրվում է երեք տարվա կամ 100.000 կմ վազքի երաշխիք:

Հայաստանում մոդելի մասին առավել մանրամասն ինֆորմացիա կարող եք ստանալ այցելելով կամ զանգահարելով Nissan ապրանքանիշի պաշտոնական ներկայացուցիչ՝ ՙՄուրան՚ ընկերություն: