«Տոյոտա Երևանը» անցկացնում է հիբրիդային ավտոմեքենաների ստուգատես

Հիբրիդային ավտոմեքենաների տարածումը խթանելու և էկոլոգիապես մաքուր տրանսպորտային միջոցների անխափան շահագործումն ապահովելու նպատակով «Տոյոտա Երևան» ընկերությունը նախաձեռնել է հիբրիդային ուժային հանգույցներով ավտոմեքենաների հատուկ ամենամյա ստուգատես: Ստուգատեսի ընթացքում ախտորոշվում են հիբրիդային համակարգի բոլոր հանգույցները (այդ թվում՝ մարտկոցի մոդուլները, դրանց ներքին դիմադրություններն ու լարումը, դրանց մեկուսացման աստիճանը, օժանդակ մարտկոցի լիցքավորման համակարգը, հիբրիդային համակարգի հովացումը, էլեկտրական պոմպը և հովհարը և այլն):

Ստուգատեսի արդյունքում դրական գնահատական ստացած ավտոմեքենաների սեփականատերերին «Տոյոտա Երևանի» կողմից տրվում է հատուկ վկայական, որը թույլ է տալիս հետագա 1 տարվա կամ 20.000 կմ վազքի ընթացքում մեքենայի հիբրիդային մարտկոցի հետ առաջացած խնդիրների դեպքում անվճար փոխել մարտկոցը: Այս պայմանները գործում են միայն «Տոյոտա Երևանի» կողմից պաշտոնապես ներկրված և վաճառված բոլոր հիբրիդային ավտոմեքենաների համար:

2018-ին նման ստուգատեսն անց է կացվում առաջին անգամ: Այդ կապակցությամբ նախատեսված է մինչև մարտի 31-ը ներառյալ սպասարկման կենտրոն ներկայացած բոլոր հիբրիդային ավտոմեքենաների ստուգատեսն անցկացնել բոլորովին անվճար: Բացի այդ բոլոր մեքենաների համար նախատեսվում է նաև սրահի օդորակիչի զտիչի անվճար փոխարինում:

Facebook Odnoklassniki

13161 դիտում