b x a .

Հայաստանում կսկսվեն Jaguar E-PACE-ի վաճառքները

remove_red_eye3663

«Jaguar Land Rover Ռուսաստան» ընկերությունը հայտարարել է նոր կոմպակտ սպորտային  Jaguar E-PACE քրոսովերի վաճառքների մեկնարկի մասին: Ինչպես Auto.am-ին հայտնել են «Jaguar Land Rover Ռուսաստան»-ում, մարտի 1-ից ավտոմեքենան հասանելի կլինի ինչպես Հայաստանում, այնպես էլ Jaguar Land Rover-ի ողջ դիլերական ցանցում՝ Ռուսաստանում, Բելառուսում եւ Ղազախստանում:

E-PACE-ն Jaguar-ի շարքի PACE ընտանիքի նոր անդամ է: Այս 5-տեղանոց սպորտային քրոսովերը համատեղում է սպորտքարի ոճն ու դինամիկան ընդարձակ ինտերյերի, լիաքարշակի պրակտիության, ինչպես նաեւ մուլտիմեդիական լայն հնարավորությունների եւ առաջադեմ տեխնոլոգիաների հետ:

Ընկերությունում հայտնել են, որ Ռուսաստանում Jaguar E-PACE-ն ներկայացված է Standart, S, SE, R-Dynamic S, R-Dynamic SE и R-Dynamic HSE կոմպլեկտացիաներով, ինչպես նաեւ սահմանափակ First Edition տարբերակով, որը վաճառքում կլինի միայն առաջին տարվա ընթացքում: Ավտոմեքենան կունենա Ingenium շարժիչների 5 տարբերակ՝ դիզելային 150 ձիաուժից մինչեւ սպորտային բենզինային 300 ձիաուժ, որը մինչեւ 100 կմ/ժ արագությունը զարգացնում է 6,4 վայրկյանում: Ռուսաստանում, Հայաստանում, Բելառուսում եւ Ղազախստանում ներկայացված բոլոր մոդիֆիկացիաները կլինեն լիաքարշակ եւ կունենան ավտոմատ փոխանցման տուփ, ինչը թեթեւ կախոցի Եւ  Active Driveline ու Torque Vectoring տեխնոլոգիաների հետ միասին ապահովում է շատ լավ կառավարելիություն եւ վստահություն ցանկացած ծածկույթի վրա:

Jaguar E-PACE գերազանցում է գոյություն ունեցող անվտանգության բոլոր համաշխարհային ստանդարտները, ինչն ապացուցում են Euro NCAP-ի փորձագետների բարձր գնահատականները:

Թափքի օպտիմալացված կառուցվածքը պաշտպանում է բոլոր ուղեւորներին իր ամրության շնորհիվ, իսկ տեխնոլոգիական բարձիկները եւ ամրագոտիները յուրաքանչյուր ուղեւորություն էլ ավելի անվտանգ են դարձնում: Բացի այդ, E-PACE-ն իր դասում միակ ավտոմեքենան է, որն ունի նորարական անվտանգության բարձիկ հետիոտնի համար: