Վրացական Ռուստավի քաղաքում կբացվի Հարավային Կովկասում ամենամեծ ավտոշուկան

Դեկտեմբերի 19-ին վրացական Ռուստավի քաղաքում նախատեսվում է Հարավային Կովկասում ամենամեծ ավտոմոբիլային շուկայի բացումը: Ռուստավիի ավտոշուկան ժամանակակից համալիր է, որի մեջ մտնում է 5000 ավտոմեքենայի համար նախատեսված ավտոշուկա եւ 2000 ավտոմեքենայի համար նախատեսված մաքսային տերմինալ:

Ժամանակակից տիպի ավտոսրահն իր գտնվելու վայրով եւ չափերով նպատակ ունի ավելացնել ավտոմեքենաների վերաարտահանումը Վրաստանից, ստեղծել նոր աշխատատեղեր եւ ավելացնել Վրաստանի բյուջեի եկամուտները:

Սպառողների համար դա կլինի ժամանակակից եւ հարմար ավտոշուկա, որտեղ ամեն մի քաղաքացի հնարավորություն կունենա, չլքելով ավտոշուկայի տարածքը, իրականացնել ավտոմեքենայի ձեռքբերման կամ վաճառքի հետ կապված բոլոր գործողությունները:

Ավտոշուկայի պաշտոնական բացման ժամանակ նախատեսվում է անցկացնել ռետրո ավտոմեքենաների ցուցահանդես եւ DRIFT-SHOW:

Facebook Odnoklassniki

10415 դիտում